Aakumi ianabuwa nen obeelom eeppigo logorak wone

Aakumi   ianabuwa nen  obeelom  eeppiigo logorak  wone 

  1. Matiut 7:12. It  aakumi nen ndogop eeppinanuwak lak ao, mbako monggotak nogo ndak-ndak aret eeppigo logonip o. Ala wone lenggenak inom, It  Ala wone aanduk yorogo nogogwaarak inoone yugu inom, eebe ti aret me eeko logonip o, yoragagerak.

  2. Matiut 9:13 b. Ala nen ari logonet, kinanggo Ndumba warogo wa’negak mban eekwi nogo ti, an ugwe lek o, Ata, aakumi inabuwa nen obeelom eeppigak yurak ti perak, an, Ao, lombok mbake minggirak o.yinuk, yeregerak liru mbanak nogo alom mamunggola nanip o yinuk yoragagerak.

  3.  Matiut 12:7.b. Ala nen ari logonet, kinanggo Ndumba warogo wa’negak mban eekwi nogo ti, an ugwe lek o, Ata, aakumi inabuwa nen obeelom eeppigak yurak ti perak, an, Ao, lombok mbake minggirak o. yinuk yereegerak wone nogo kit kineeenu a’netak en, it ugun wonogvwe nogo, kit Maluk  eekarak o, yinnuk, kinoone inoba piyanetak lek o.

  4. Matiut 19:19,21. Kinagalo-kinogoba inayuk wuko logonip o. Kit kineebe kiniki kunik eekologomonggotak nogo pugum, kinom momnggotak togop aret kiniki kunik aganako logonip o…Kamendek abok aret onggo mbangge logomigindik, it inamendek lek nogo tumburira nak o. Tumburira nage keenok, kamendek mbugut paga nggwok aret wonage kamuguun o. Ti abu eeke logomigindik perak an nambirak nugu logowok nduk, wa’nu o. 

  5. Matiut 22:37. Yoge mbareegi at Yetut nen, Kiniki-kinogoma abok aret, kinogoba Ala mban kiniki kunik eeko logonip o. *  wone iyagalo nggwok lombok ti aret o, * ndi, wone ore ti ndak-ndak yi aret o. Kit kineebe kiniki kunik eekologomonggotak nogo pugum, kinom momnggotak togop aret kiniki kunik aganako logonip o. Ala nen wone yogop e’nu ndogop e’nu yeregerak wone, inom, ndi, It aap Ala wone yorogo logonet yeregwaarak nogo inom, wone alom mbere yagarak ti paga mban lunik wonage o, yiinuk, yoragagerak.

  6.   Lukat 10:27. Kineebe kinoomawi inom, kiniki kinogoma inom, kinogoba Ala mban kiniki kunik eeko logonip o. Kit kineebe kiniki kunik mbako monggotak nogo kokwak, it kinom momnggotak nogo togop aret kiniki kunik aganako logonip o.

  7.Lukat 6:31,34. Aakumii nen ndogop eeppinaniyak ao, mbako mbonggotak nogo ndak-ndak eeppigo logonip o. at kwebi onggo wa’nirigin mbaka’lek logonet wagarogo logorak.

  8.  1 Korindut 10:24. Kit kinobaalombok mban eekonet nogo logorak lek o, ata, kinorewi inikilom mbaruwak nduk,  inom aret eeppinet nogo logonip o.

   9.  1 Korindut 13:13.Ti kenok niniki abet mbaakwi inom, niniki lonik wonogwe inom, aakumi inabuwa mbakwi inom, wone alom kenagan ti wonage  kwe, nabuwa-kabuwa mbakwi ti perak, mondok tiyanak aret wonage o.

   10. 2 Korindut 8:1-7. ayat ti apit aret wonage kwe, ayat 7 irip paga luk taati ari yi. Kiniki abe paga yenggwaarenet nugwi, kiniki kunik  eerinakwi, eekwi ti nogo abok aret, nggwok wigak ari me, aakumi inabuwa nen kuwak eeriyak yi nogo inom ndak-ndak nggwok aret eeko logobagip nduk yokiragi o. 

  11.Galatiya 5:14. Kit kineebe kiniki kunik eekologo monggotak nogo pugum, kinom momnggotak togop aret kiniki kunik aganako logonip o, yinuk, yo’niragagerak nogo ti, wone lenggenak eebbe tigitogon eekwi ti aret o.

1

  12.Galatiya 6:10. It yi aakumi ndi aakumi abok aret obeelom eeppiyorak nanonggwan aga o, yinuk, obeelom eeppinet nogo logonet kwe, it aakumi niit ninom ndak-ndak abet mbaregurak nogo kenok perak, obeelom eeppiyorak mondok aberak aret logonip o.

  13.  Epetut 5:2. Aakumi inake Ala anggo warogo kanii kunggwi iinok obari obeelom kage minggikwak, at Keretut noinabuwa mbake nagagirik, inake kambikit o,” mba’nuk,” ninake kambegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

 14.   Iberani 10:24. Ndi, niniki-kiniki kunik eekwi, at ambi nen at ambi obeelom eeppegak eekwi, eeko logonet, at ambi iniki eyak wappegak eeko logonip o.

  15.  Yakombut 7:27. Ninogoba Ala engganom paga at oone liipppunuk mondok abe eeko logorak  ti, it wologwe-komologwe inagalo-inogoba kanggatak wonebela inom, Kumi togwe inom, iniki aninggin wonogwe iinok, inabuwa nen yenggwaranet nogwe, …eeko logorak ti aret o.

  16. Yakombut 2:8. Ala wone mbanak ndak-ndak eeko logonet, “Kit kineebe kiniki kunik eekologo monggotak pugum, kinom monggotak togop aret kiniki kunikn aganako logonip o.”

  17. 1 Yaya 4:8. Ndi, at Ala nen, yi aap ndi aap abok aret inabuwa mbake logonet, iniki kunik lombok aganake kagak kwe,  nit ninoreewi niniki kunik aganakwi lek ninok perak, “ It yi, Ala ineenggo’lek aret iigo o,” yinuk, mbako logogun o.

  18.  1 Petirut 4:8. Aap ambi at ore imbirak iniki kunik wonage kenok, at Maluk eeppige nogo tebenogo punuk, imbirak iniki kuni menggerak nogo kukwak, “kit togop aret niniki kini kunik eeko logonip o,” yinuk, wone ambit ti aret yokiragi o.

  19. 1 Petirut 5:9. Kinoreewi ambi kiya wogwe iinok, kineebi mbarugup o, ata, kiniki alenggen  paga kinambi magarogo logonip o.

  20. 1 Petirut 5:5. Ala nen ari logonet, It aakumni iniki wogopako menggarak kenok, an  nen tebenogo piige minggirak kwe, ndi, iniki tebenak kenok perak, “niniki kunik nen eeppige minggirak o,” yinuk, yeregerak. 

   21.  Yakombut 4:6b.Ala nen ari logonet, It aakumni iniki wogopako menggarak kenok, an  nen tebenogo pige minggirak kwe, ndi, iniki tebenak kenok perak, “niniki kunik nen eeppige minggirak o,” yinuk, yeregerak.

  22.  Amsal 3:34. It Miyuk-meyak eerogo piiga ti, Aliku Ala nen it aret miyuk-meyak eerogo piige menggerak kwe, aap iniki tebenak wonogwe iinok perak, iinabuwa nen obeelom eeppige menggerak. 

   

     23. Kini wuppige 11:24. 

  Aap ambi amendek yumbuk-yumbuk eeke menggerak kwe, amendek ambik aret age, Ndi, aap alik ambi amendek ambik wonage kwe, wogoraga’lek nggilimi kenok, eenggi lek arit unggwage, eeke menggerak.

   

     24. Lukat 6:38.

  Ugun wogorogwe kiinok, ugun wokkirogwe kaamunggup o. Togolowa’na eno korok togon yonggoppunuk, nggwik-nggwik eeke, tebenogo wuppege, eeppunuk, a’nggan ngginu-ngginu wangge kagak, kinabu’me ngginggirogo mengga kwak, ndak-ndak wokkirage kaamunggup o. Wakkagak nogo paga wakkaanuk aakumi wogorogo monggotak nogo ti, ndak-ndak wakkaanuk wokkirage kaamunggup o,” yoragagerak. 

     25.Galatiya 6:9

      Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pegalek mondok eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'lila ee'ninake kenok mbo puurak mage o. kagak aret eerit nogo logowok-o.

 

Niniki-kiniki kunik eeko logorak ki wone mbanak yi o.

Niniki-kinikikunik eeko logorak ki wone mbanak yi o.

Pelaareegerak 6:5   Kiniki inom, kineebe inom, kinogoba Aliku kinogoba Ala mban kiniki kunik eeko logonip o.

Matiyut 6:3  Kit perak kinamendek aakumi ineenggi lek mendek wagarogo logonet, “An nageerok aakumi ndogop wogoragarak o,” yinuk, it kinom wonogwe nogo mbininogo yoraagup o.

7:12     It aakumi nen ndogop eeppinanuwak lak awo, mbako monggotak nogo ndak-ndak aret eeppigo logonip o. Ala wone lenggennak inom, It Ala wone aanduk yorogonogogwaarak inoone yugu inom, eebe ti aret me, eeko logonip o; yinuk, yoragagerak.

Yaya 13:3  An nen kit niniki kunik eekkinake minggikwak, kit togop aret niniki-kiniki kunik eeko logonip o.

Nappiyaareegerak 4:32 It abe t  mbareegwaarak nogo, iniki ambit eeppunuk logonet, yi mendek ndi mendek, “Yi kat mendek o, yi an mendek o, yagalek, “Nit abok ninamendek aret o,” yogo nogogwaarak.

1 Korindut 13:13  Ti kenok, niniki abet mbakwi inom, niniki lunik wonogwe inom, aakumi inabuwa mbakwi inom, wone alom kenagan wonage kwe, nabuwa-kabuwa mbakwi ti perak, mondok tiyanak aret wonage o.

2 Korindut 9:10-11    Aakumi inabuwa nen kinamendek wogorogwe kiinok, Ala nen obeelom eerogo pinagaage, kiniki ndobu logonet, aakumi iinake nggwok aret kuwak eekwi paga, Ala nen kineenggi warak eeppinagage logogin o.  

   

1 Timotiyut 5:18   It aap yabu eekwi nogo, yabu eekwi onggo wogororak ti op aret o.

Epetut 5:2b Nabuwa-kabuwa mbako logonet, at ambi obeelom eeppegak eeko logonip o.

Pilipi 2:3     “An perak meek, ndi, nore ti perak, iya o,” mbako logonet, eeppigo logonip o.

Kolote 3:18     Kit kumi yi wae. Kit Ala apuri aret me, kinogonggelomini inabu’me logonet, inoone liirogon koneenggo logonip o.

Iberani    6:10  Ala apuri yenggwarogo nogogutak inom, inom, yogondak awo yeenggwaarogwe inom, at mari arigin lek o.

         13:1  Kit Keretut kinom kunik wonogwe me, nabuwa-kabuwa mbakwi nogo lek age kero, liirogon arumwakko logonip o.

          13:2  It aap mande negen nen, Ala ayunggo Melaikat mendek ineenggolek logonet, inabugo lareegwaarak me, aakumi nggiru kiya wogwe iinok, keyage warogo kiniki ale’nggen paga waganako logonip o.

1 Petirut 1:25     Kiniki lakot paga, kinoreewi Ala apuri kiniki kunik aganako logogup o. Ata, kiniki abe paga aret, kinoreewi kinom, niniki-kiniki kunik eeko logonip o.

            4:9  Kinoreewi ambi kiya wogwe iinok, kineebi mbarugup o, Ata, kiniki abe paga kinambi magarogo logonip o.

            5:14  Kit-kit aret kiniki kunik paga keyage wat-wat yogo logonet, linggik-kambuk yogo logonip o.          

1 Yaya  3:17  Aap ambi eenggi warak nogo nen, ore ambi aninggin oba agarak enegen kage logonet kwe, “At obalombok o,” yinuk, iniki nggilimi wonage kenok, Ala nen aakumi inabuwa mbake menggerak nogo mendek inikime wonage abu lek o.

            3:18   Napuri o, Ninoone pagan en mban aakumi ninom niniki kunik wonogwe yuurak mage o. Ata, niniki paga nen aret inabuwa lombok mbako logonet, obeelom eeppigo logowok o.   
   

            3:22  Nit Yi mendek ndi mendek wo’nirawak nduk, nggino yogwi ninok, at nen wo’nirage logogin o.

            3:23  Kinoreewi kinom kiniki kunik eeko logonip o.

            4:7  Aakumi niniki kunik aganako logowak nduk, Ala nen aret eeppinaneege menggerak.

            4:21  At Ala nen ari logonet, “Kit kiniki kunik ee’nakwi  kiinoik, kinoreewi kunduk inabuwa mbako logonet, kiniki kunik aganako  logonip o.:yeregerak o.